અમદાવાદ એરપોર્ટ ઉપરથી 4 કિલો કોકેઈન સાથે આફ્રિકન ઝડપાયો, આવો હતો ડ્રગ્સ માફિયાનો પ્લાન

NCBએ તેની પાસે રહેલા સમાન તપાસતા  પ્રોટીન સપ્લીમેન્ટના પેકેટ મળી આવતા શંકા ઉભી થઇ હતી. બાદ ઉંડાણપૂર્વક તપાસ કરતા સામે આવ્યું કે આરોપીએ પેકેટના  સિલ ખોલીને કોકેઇન ડ્રગ્સ ભર્યું હતું.

અમદાવાદ: અમદાવાદ નાર્કોટિક્સ કન્ટ્રોલ ઝોનલ ઓફિસને ડ્રગ્સ મોટો જથ્થો પકડવામાં વધું એક સફળતા મળી છે. એનસીબીએ (NCB) એરપોર્ટ પર આફ્રિકન નાગરિકની ચાર કિલો કોકેઈન સાથે ધરપકડ કરી છે. ડ્રગ્સની હેરાફેરીમાં આફ્રિકન નાગરિકની અગાઉ પણ શંકાસ્પદ પ્રવૃત્તિ સામે આવી હતી. પરંતુ  ગુરુવારે ચોક્કસ હકીકત આધારે ગુજરાત NCB ટીમને મહત્વની કડી હાથે લાગી છે અને પૂછપરછ વધુ ખુલાસો સામે આવી શકે છે.

ઉલ્લેખનીય છે કે  અમદાવાદ ઇન્ટરનેશનલ એરપોર્ટ પર એક વિદેશી નાગરિક આજે મોટા પ્રમાણમાં કોકેઇન ડ્રગ્સ લઈને આવી રહ્યો હોવાની ગુજરાત NCB ટીમને માહિતી હતી. જેના આધારે  ડેરિક પિલ્લેઇ નામનો યુવક 11મી ઓગસ્ટે જોહનીસબર્ગ ઇન્ડિયાની ફ્લાઇટમાં બેઠો હતો. અને અમદાવાદ આવવાનો હતો. આ અગાઉ તેની સામે  લુક આઉટ સર્ક્યુલર જાહેર કરવામાં આવ્યું હતું.

NCBએ તેની પાસે રહેલા સમાન તપાસતા  પ્રોટીન સપ્લીમેન્ટના પેકેટ મળી આવતા શંકા ઉભી થઇ હતી. બાદ ઉંડાણપૂર્વક તપાસ કરતા સામે આવ્યું કે આરોપીએ પેકેટના  સિલ ખોલીને કોકેઇન ડ્રગ્સ ભર્યું હતું.  હાલ તો અમદાવાદમાં આવેલ વિદેશી નાગરિક પાસેથી મળી આવેલા કોકેંઇનના 4 કિલો જેટલા જથ્થા બાદ NCBનું માનવું છે કે આગામી દિવસોમાં કોકેઇનની ઇન્ટરનેશનલ કેરિયરની વધુ સ્ફોટક વિગત બહાર આવી શકે છે.એટલું જ નહીં આરોપી ડેરીક પિલ્લાઈ અગાઉ પણ અનેક વખત ડ્રગ્સની હેરાફેરી કરી ચુક્યો હોવાની આશંકા છે .જોકે મોટી માત્રામાં કબ્જે કરવામાં આવેલ આ ડ્રગ્સની આંતરરાષ્ટ્રીય બજારમાં તેની અંદાજીત કિંમત કરોડો રૂપિયા થાય છે.